Monday, June 05, 2006
FRIEDRICH SALOMON PERLS (1893-1970)
Terapia Gestalt-en fundatzailea
1893ko ekainaren 8an jaio zen, ghetto judutar batean Berlin inguruan. Hirugarren eta azken semea izan zen, bi nesken ondorengoa, Else eta Grete. Bere aita, Nattan, ardo banatzailea zen, merkatalgoaren bide-saltzaile eta masoia, denbora asko pasatzen zuen etxetik kanpo eta betidanik izan zuen erlazio txarra bere seme bakarrarekin. Bere ama, Amalia, judutar praktikari, burgesia txiki batetik zetorren, bere semearengan eragin handia izan zuen, opera eta antzerkiari zion pasioa transmitituz, bere gurasoen erlazioari dagokionez, Fritz-ek bere autobiografian, zera idatziko du: “nire gurasoak judutarrak ziren “asimilatuak” bereziki nire aita. Honek esan nahi du, alde batetik bere iraganaz lotsatzen zela eta bestetik, tradiziozko ohitura batzuk mantentzen zituela; jai egunetan tenplura joaten zen, bada-ezpada jainkoa nonbaiten ote zegoen edo. Nik ezin jasan nezakeen hipokresi hau, eta ateo bihurtu nintzen oso goiz... Nire aitak, ama gorrotatzen zuen eta beste emakumeak maitatzen zituen, maisu masoi bezala jokatuz. Jendearen aurrean biak adiskidetsu bezala agertzen ziren”.
Fritz oso ikasle ona izan zen baina lan gutxi egiten zuen eskolan. 13 urte zituela bota egin zuten bere jokabide ezegokiarengatik. Orduan bere aitak denda batean lan egitera behartu zuen morroi bezala. Beraien arteko erlazioak gehiago okertzen joan ziren. Bere aita hil zenean, ez zen joan hiletara.
Berriro ikasten hasi zen baina eskola liberal batean, Askanische Gymnasium-ean, ikaslego humanista batekin, bertan, hasi zen antzerki munduarekin harreman zuzenago bat izaten, beranduago handituz joan zelarik. Nerabezaroan izan zuen elkar aurkitze garrantzitsuenetako bat, Max Reinhardt zuzendariarekin izan zen, Deutsches Theater-eko zuzendaria, berarekin jaso zituen klaseak.
Medikuntzako ikasketak hasi zituen eta 1914.ko gerra deklaratu zenean, bihotzeko gaixotasun bat zela eta soldaduzkatik aske gelditu zen. Ala eta guztiz ere, 1915ean hogeitabi urterekin, Gurutze gorrian parte hartu zuen borondatezko bezala, belgikako frontean. Urte bat beranduago fronte berber
